ट्रस्ट विषयी माहिती
महाराष्ट्रातील दाभोळी गवळी ज्ञातीची शिखर संस्था असलेल्या आपल्या महाराष्ट्रीय यादव चॅरिटी ट्रस्टची स्थापना दिनांक १७ फेब्रुवारी १९४६ रोजी ट्रस्टचे पहिले अध्यक्ष व संस्थापक विश्वस्त कै. माधवराव भागोजी कोटकर यांच्या आत्माराम बिल्डिंग, जगन्नाथ शंकरशेट मार्ग, गिरगाव मुंबई येथील निवासस्थानी झाली.
ट्रस्टच्या स्थापनेपूर्वी ज्ञातीच्या मुंबईत ‘यादव संघटन समिती’ व सन १९२० साली स्थापन झालेली ‘यादव गोपाळ मंडळ’ या दोन संस्था कार्यरत होत्या. ट्रस्टच्या स्थापनेसाठी मुंबईतील गिरगाव व नायगाव भागातील समाजबांधवांनी एकत्रित प्रयत्न केले.
महाराष्ट्रीय यादव चॅरिटी ट्रस्टचा विस्तार
संस्थेच्या महाराष्ट्रामध्ये एकूण २५ शाखा आहेत. संस्थेची ध्येये व उद्दीष्टे समाजबांधवांपर्यंत पोहोचवून संस्थेच्या समाजकार्यामध्ये सर्वांना सहभागी करून घेणे, समाज बांधवांमधील शैक्षणिक व सामाजिक पातळी उंचावण्याकरिता संस्थेने आपल्या शाखांचा विस्तार केला आहे.
विद्यमान विश्वस्त मंडळ
सभासदांना सूचना / ठळक बातम्या
सभासद नोंदणी विषयी
- सभासद नोंदणीचा अर्ज भरून मुख्य कार्यालयात देणे अथवा शाखा कार्यालयात देणे.
- संस्थेचा सभासद हा आजीव सभासद असेल व या सभासदाकडून फक्त एकदाच र १०१/- सभासद वर्गणी घेण्यात येईल.
- सभासदाची नोंद फक्त मुख्य कार्यालय अथवा सभासद होणाऱ्या व्यक्तीच्या शाखेमध्येच केली जाईल.
- सभासद झाल्याची पावती घेणे आवश्यक आहे
- सभासदाचा पत्ता बदलल्यास तो त्वरित मुख्य कार्यालयात कळवणे, तसेच मुख्य कार्यालयात आपल्या भ्रमणध्वनीची नोंद करून घेणे.
- ज्या सभासदांनी आपली निवासस्थाने बदलली असतील अशांनी संबंधित कार्यालयात नवीन पत्ते बदलून घेणे.
- संस्थेचे जे सभासद स्वर्गवासी झाले आहेत, अशांच्या वारसांनी अगर जवळच्या नातेवाईकांनी ट्रस्ट कार्यालयात लेखी कळवावे
- समाजातील ज्या विद्यार्थ्यांनी संस्थेमधून शिक्षणाकरिता परत फेडीच्या तत्वावर – शैक्षणिक फी घेऊन शिक्षण पूर्ण केले आहे व ज्यांची उपजीविका चालू आहे अशा समाज बांधवांनी फी ची रक्कम संस्थेच्या मुख्यकार्यालयामध्ये परत करावी, जेणे करून इतर समाज बांधवांना त्याचा लाभ होईल.